tert.am: Չինաստանի Հուբեյ կենտրոնական նահանգի Ուհան քաղաքի իշխանությունները չեղարկել են քաղաքից դուրս գալու արգելքը:
Ինչպես հայտնում է ТАСС գործակալությունը՝ հղում անելով տեղի աղբյուրին, արգելքը դադարել է գործել չորեքշաբթի օրվանից (երևանյան ժամանկով երեքշաբթի՝ 20:00-ից): Քաղաքը, որտեղից դեկտեմբերին սկսել էր տարածվել նոր տեսակի կորոնավիրուսի վարակը, փակ է եղել 11 շաբաթ:
Կորոնավիրուսի տարածման պատճառով հունվարի 23-ից քաղաքը կարանտինի մեջ է գտնվել. տրանսպորտային հաղորդակցությունն Ուհանի հետ դադարեցվել էր, իսկ տեղի բնակիչներին արգելվել էր լքել քաղաքի տարածքը: Քաղաքի ներսում հասարակական տրանսպորտի գործունեությունը նույնպես ժամանակավորապես դադարեցվել էր:
Հիշեցնենք, որ ավելի վաղ հաղորդվող տվյալների համաձայն՝ Չինաստանում այսօր կորոնավիրուսից մահացության դեպք չի գրանցվել:
Վերջին տվյալների համաձայն՝ ողջ աշխարհում կորոնավիրուսից մահացել է ավելի քան 80 000 մարդ, վարակվել ավելի քան 1.4 մլն-ը:
comment.count (0)