Կառավարությունը 35 մարզիկների զորակոչից տարկետում տվեց մինչեւ 2023 թվականը |news.am|
08:02 - 25 հուլիսի, 2019

Կառավարությունը 35 մարզիկների զորակոչից տարկետում տվեց մինչեւ 2023 թվականը |news.am|

news.am։ Կառավարությունն իր այսօրվա՝ հուլիսի 25-ի նիստում որոշում կայացրեց շարքային կազմի պարտադիր զինվորական ծառայության 2019 թվականի ամառային զորակոչից մինչև 2023 թվականի ամառային զորակոչը տարկետում տալ՝ սպորտի բնագավառում նշանակալի նվաճումներ ունեցող թվով 35 մարզիկների:

Նրանցից 8-ը ծանրամարտիկներ են, 12-ը՝ ըմբշամարտիկներ, 5-ը՝ բռնցքամարտիկներ, 5-ը՝ սամբիստներ, 2-ը՝ թաեքվոնդոյի մարզիկներ, մեկական կարատեի, շախմատի, ուշուի մարզիկներ:

Որոշման հիմնավորման մեջ նշվում է, որ ֆիզիկական կուլտուրայի և սպորտի շարունակական զարգացման, մարզիկների մարզական վարպետությունը բարձրացնելու, մարզական բարձր նվաճումներ ունենալու համար անհրաժեշտ է ապահովել ՀՀ հավաքական թիմերի լավագույն մարզիկների մարզումային գործընթացի անընդհատությունը:

Միջազգային մրցումներին մասնակցելը սպորտի զարգացման անբաժանելի բաղկացուցիչ մասն է: Հայաստանն անդամակցում է համաշխարհային օլիմպիական շարժմանը, և առավել բարձր արդյունքներ ցուցաբերած մարզիկները միջազգային մրցասպարեզներում՝ամառային և ձմեռային օլիմպիական խաղերում, Եվրոպայի և աշխարհի առաջնություններում, համաշխարհային ունիվերսիադաներում, միջազգային մրցաշարերում մեդալներ նվաճելով՝ բարձր են պահում մեր պետության մարզական պատիվն ու հեղինակությունը:

Մարզական արդյունքների հետևողական բարձրացումը կազմակերպված գործընթաց է, որը կընդհատվի և կխաթարվի, եթե պատանեկան և երիտասարդական տարիքում ինտենսիվ կերպով մարզված և որոշակի բարձր արդյունք ցուցաբերած մարզիկները պարտադիր զինծառայությունից տարկետում չստանան։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել