05:54 - 15 հոկտեմբերի, 2019
Թուրքիան մտադիր է վերանայել հարաբերությունները ԵՄ-ի հետ իր դեմ նախատեսված պատժամիջոցների պատճառով |tert.am|
tert.am: Անկարան դադապարտել է ԵՄ երկրների ԱԳ նախարարների որոշումը Կիպրոսի մոտ իրականացվող հորատման աշխատանքների առնչությամբ և մտադիր է դրա հետ կապված վերանայել հարաբերությունները ԵՄ-ի հետ մի շարք ոլորտներում: Ինչպես փոխանցում է РИА Новости-ն, այս մասին ասվում է Թուրքիայի ԱԳՆ հաղորդագրության մեջ:
Ավելի վաղ Կիպրոսի կառավարությունը դատապարտել էր Թուրքիայի՝ տնտեսական գոտու սահմաններում՝ ծովում, հորատման նոր աշխատանքներ իրականացնելու մտադրությունը:
ԵՄ երկրների ԱԳ նախարարները հրահանգել են Թուրքիայի դեմ պատժամիջոցներ սահմանելու առաջարկ նախապատրաստել՝ պայմանավորված Կիպրոսի մոտ նախատեսված հորատման աշխատանքներով:
Նիստի ավարտին ընդունված հայտարարությամբ ԵՄ ներկայացուցիչները նաև կոչ են անում անհապաղ ջանքեր գործադրել ՄԱԿ-ի Անվտանգության խորհրդում՝ Սիրիայի հյուսիսում թուրքական ռազմարշավի վերջ դնելու համար:
Անկարան ԵՄ-ին մեղադրել է կիպրոսցի թուրքերի շահերն անտեսելու մեջ՝ սպառնալով վերանայել համագործակցությունը ԵՄ-ի հետ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)