11:11 - 05 հոկտեմբերի, 2019
Թուրքիայի փոխնախագահն օգնություն է հայցել ԵՄ-ից՝ սիրիացի փախստականներին Սիրիայի հյուսիսում վերաբնակեցնելու հարցում |tert.am|
tert.am։ Թուրքիայի փոխնախագահ Ֆուադ Օքթայը կոչ է արել Եվրամիությանն օգնել սիրիացի փախստականներին Սիրիայի հյուսիսում, այսպես կոչված, անվտանգության գոտում վերաբնակեցնելու հարցում:
Այդ մասին Թուրքիայի փոխնախագահն ասել է Թուրքիայում Ֆրանսիայի դեսպան Շառլ Ֆրիսի, Եվրամիության ներքին գործերի, քաղաքացիության և գաղթյալների հարցերով հանձնակատար Դիմիտրիս Ավրամոպոլուսի, Գերմանիայի ներքին գործերի նախարար Հորսթ Զեեհոֆերի և Ֆրանսիայի ներքին գործերի նախարար Քրիստոֆ Կաստաների հետ հանդիպման ժամանակ, գրում է «Միլլիյեթ»-ը:
Փոխվարչապետը ներկայացրել է ծրագիր, ըստ որի Թուրքիան պետք է ժամանակավոր բնակավայրեր, դպրոցներ կառուցի փախստականների համար, և փախստականներին վերաբերվող ծրագրերում ակնկալում է Եվրամիության աջակցությունը:
Աքթայն ասել է, որ արդեն համարյա 4 միլիոն սիրիացի փախստական է օթևանել Թուրքիայում, և եթե չլինեին Թուրքիայի ջանքերը, նրանց մեծ մասը կհայտնվեին Եվրոպայում: Աքթայի խոսքով՝ անօրինական ներգաղթյալները մեծ խնդիր են դարձել Թուրքիայի համար, և այդ հարցն ուղղակիորեն կապվում է նաև Եվրոպայի հետ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)