Թբիլիսիում ձերբակալվածների թվում ՀՀ քաղաքացի կա. նա 13 օր կմնա կալանքի տակ
06:17 - 22 հունիսի, 2019

Թբիլիսիում ձերբակալվածների թվում ՀՀ քաղաքացի կա. նա 13 օր կմնա կալանքի տակ

tert.am: Թբիլիսիում գրանցված բախումներից հետո ձերբակալվածների թվում Հայաստանի Հանրապետության քաղաքացի կա։ Այս մասին տեղեկացնում է Վրաստանում ՀՀ դեսպանատունը։ Հայտարարության մեջ ասված է․

«Տեղեկացնում ենք, որ Թբիլիսիում գրանցված բախումներից հետո ձերբակալվածների թվում է Հայաստանի Հանրապետության քաղաքացի 1995 թ. ծնված Մինաս Մինասյանը, ով սովորում է Թբիլիսիում։ Նախնական տեղեկատվությամբ Մինաս Մինասյանը ծնունդով ՀՀ Արմավիրի մարզի Արմավիր քաղաքից է։

Դատարանի որոշմամբ Մինաս Մինասյանը 13 օր կմնա կալանքի տակ։

Վրաստանում ՀՀ դեսպանությունը մշտական կապ է պահպանում Վրաստանի իրավապահ մարմինների հետ, և դեսպանության դիվանագետները շուտով կտեսակցեն Մինաս Մինասյանին»։

 


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել