shantnews.am: Զարուհի Բաթոյանն այսօր նախարարության 2020թ. բյուջեն ներկայացնելիս խոսեց նաև գիշերօթիկ հաստատությունների բարեփոխումների մասին:
Խոսելով խնամքի ծառայությունների բարեփոխումների մասին` նշեց, որ խոսքը ոչ միայն ենթակայության ներքո գտնվող ծառայությունների մասին է, այլև տնային սպասարկման, տարեցների խնամքի և նման ծրագրերի:
«Մեզ համար կարևոր է պատվիրակվող ծառայությունների ծավալի մեծացումը: Եթե խոսենք երեխաների շուրջօրյա խնամքի մասին, երեկ կառավարության որոշմամբ լուծարման գործընթացն ենք սկսել գիշերօթիկ հաստատությունների, որի ֆոնին եռապատկում ենք ցերեկային ծառայությունների ծավալը և մեծացնում աշխարահագրությունը: Ամբողջ Հայաստանով 30 բնակավայրերի համար հայտարարված են մրցույթներ պատվիրակման միջոցով ծառայությունները տրամադրելու համար. սա հնարավորություն է տալիս երեխաներին մեծանալ ընտանիքներում, սովորել հասակակիցների հետ և աջակցություն ստանալ համայնքներում»,- ասաց Բաթոյանը:
Նա հավելեց, որ մեծացնում են կանխարգելման ծրագրերը, այսինքն՝ հաստատություններ մուտքը կանխելուն ուղղված աշխատանքները:
«2020-ին նախատեսում ենք 360 ընտանիքի ուղղել աջակցությունը, որը պետք է իրականացնենք ցերեկային կենտրոնների և գործընկեր կազմակերպությունների պատվիրակման միջոցով»,- ասաց Բաթոյանը:
comment.count (0)