Արցախում ընտրողների ընդհանուր թիվը կազմում է 103 հազար 637
19:14 - 13 ապրիլի, 2020

Արցախում ընտրողների ընդհանուր թիվը կազմում է 103 հազար 637

Արցախի Հանրապետության ոստիկանության` 2020 թվականի ապրիլի 13-ի տվյալների համաձայն, Արցախի Հանրապետությունում ընտրողների ընդհանուր թիվը կազմում է 103 հազար 637: Արցախի ոստիկանությունը տեղեկացնում է, որ նրանցից 832-ն ընտրություններին կմասնակցի Երևան քաղաքում ձևավորված ընտրական տեղամասում, իսկ 1270-ը՝ ընդգրկված է լրացուցիչ ցուցակներում:

Ընդհանուր առմամբ` կազմավորվել է 282 ընտրատեղամաս, որոնցից մեկը` Երևան քաղաքում:

Արցախում նախագահական ընտրությունների երկրորդ փուլը տեղի կունենա ապրիլի 14-ին։ Արցախի նախագահի թեկնածուներից առավելագույն ձայներ են հավաքել «Ազատ հայրենիք» կուսակցության նախագահ Արայիկ Հարությունյանը և Արցախի արտաքին գործերի նախարար Մասիս Մայիլյանը, ովքեր և անցել են երկրորդ փուլ:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

comment.count (0)

Մեկնաբանել