10:39 - 18 հունիսի, 2019
Արմեն Սարգսյանն անընդունելի է համարում «Հայաստան» համահայկական հիմնադրամում յուրացումներ ու չարաշահումեր թույլ տալը |armenpress.am|
armenpress.am։ ՀՀ նախագահ, «Հայաստան» համահայկական հիմնադրամի հոգաբարձուների խորհրդի նախագահ Արմեն Սարգսյանն անընդունելի է համարում հիմնադրամում չարաշահումներ ու յուրացումներ իրականացնելը: Այս մասին Արմեն Սարգսյանը նշեց հունիսի 18-ին մեկնարկած «Հայաստան» համահայկական հիմնադրամի հոգաբարձուների խորհրդի տարեկան ժողովի ընթացքում, անդրադառնալով հիմնադրամի նախկին գործադիր տնօրեն Արա Վարդանյանի անվան հետ կապված յուրացումների խնդիրներին:
«Ես հույս ունեմ, որ բոլորս հիմնադրամի նախկին գործադիր տնօրեն պարոն Արա Վարդանյանի գործունեության հետ կապված էջը փակելու ենք, դնենք մի կողմ, սակայն միշտ հիշելու ենք, որ նմանատիպ կեցվածքն ու պահվածքը բացարձակապես անընդունելի են, և ոչ միայն հոգաբարձուների խորհրդի տնօրենի կամ անդամի համար, այլև յուրաքանչյուր հայի համար:
Եվ խոսքը նրա մասին չէ, թե ինչ ֆինանսական վնաս է տրվել, վերադարձվել է, թե ոչ: Խոսքը նախ և առաջ բարոյական և անվան վնասի մասին է: Ես հույս եմ հայտնում, որ նմանատիպ դեպքեր այլևս երբեք չեն կրկնվի»,- ասաց նախագահը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)