Ադրբեջանը դժգոհում է Հայաստանի ղեկավարության վերջին հայտարարություններից |azatutyun.am|
09:39 - 08 մարտի, 2019

Ադրբեջանը դժգոհում է Հայաստանի ղեկավարության վերջին հայտարարություններից |azatutyun.am|

Հայաստանի ղեկավարության վերջին հայտարարությունները բացասաբար են անդրադառնում ղարաբաղյան կարգավորման գործընթացի վրա, հայտարարել է Ադրբեջանի արտգործնախարար Էլմար Մամեդյարովը:

Հարավային Կովկասի հարցերով Եվրամիության հատուկ ներկայացուցիչ Տայվո Կլաարի հետ հանդիպմանը Մամեդյարովը կրկին պնդել է, թե «օկուպացված հողերը պետք է ազատագրվեն, իսկ բռնի տեղահանվածները վերադառնան իրենց հայրենի տարածքները»: «Միայն դա կարող է երաշխավորել երկարատև և կայուն խաղաղություն», - կարծիք է հայտնել Ադրբեջանի դիվանագիտական գերատեսչության ղեկավարը:

Էլմար Մամեդյարովի այս մեկնաբանությունը հաջորդում է Հայաստանի արտգործնախարարի տեղակալի հայտարարությանը: Նախօրեին Շավարշ Քոչարյանը, խոսելով ղարաբաղյան հակամարտության կարգավորման բանակցային գործընթացին Արցախի մասնակցության անհրաժեշտության մասին, մասնավորապես ասել է, որ «անտրամաբանական է խոսել խնդրի կարգավորման մասին, եթե բանակցություններում չի մասնակցում հենց հիմնական հակամարտող երկու կողմերից մեկը»։

azatutyun.am


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել