18:16 - 25 մարտի, 2020
ՍԱՏՄ-ն պատժելու է առանց դիմակի և ձեռնոցի աշխատող տնտեսվարողներին |armenpress.am|
armenpress.am: Խանութի վաճառողները պարտադիր պետք է կրեն դիմակ ու ձեռնոց սննդամթերքը վերցնելու ընթացքում։ Այս մասին մամուլի ասուլիսի ժամանակ ասաց ՀՀ Սննդամթերքի անվտանգության տեսչական մարմնի ղեկավար Գեորգի Ավետիսյանը։
«Վաճառողները պարտադիր պետք է կրեն ձեռնոցներ յուրաքանչյուր մթերքը, այդ թվում՝ հացը վերցնելու ժամանակ և հետո ձեռնոցները պետք է հանեն՝ հետագայում գումար վերցնելու կամ այլ գործողություններ կատարելու համար։ Տնտեսվարողն իր աշխատակիցներին պետք է պարտադիր ապահովի դիմակով և ձեռնոցով»,- ասաց Ավետիսյանը։
Սննդամթերքի անվտանգության տեսչական մարմնի ղեկավարը նշեց, որ կան շատ տնտեսվարողներ, ովքեր չեն հասկացել ՍԱՏՄ-ի ցուցումների լրջությունը։
Ավետիսյանը խոսքով՝ այդ տնտեսվարողները առաջիկայում կպատժվեն։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)