Հրայր Թովմասյանի լիազորությունները դադարեցնելու գործընթացի նախագիծը վաղը կլինի ԱԺ նախագահի մոտ.Լիլիթ Մակունց |news.am|

16:18 - 18 սեպտեմբերի, 2019

news.am:  ՍԴ նախագահ Հրայր Թովմասյանի լիազորությունները դադարեցնելու գործընթացի նախագիծը վաղը կլինի ԱԺ նախագահ Արարատ Միրզոյանի մոտ։ Այս մասին այսօր՝ սեպտեմբերի 18-ին, ՔՊ վարչության նիստից առաջ լրագրողների հետ զրույցում ասաց Լիլիթ Մակունցը։

Հարցին՝ արդյոք հնարավոր է այսօր նիստից հետո լիազորությունների դադարեցման հիմքերը հրապարակվեն, Մակունցը նշեց. «Կա ընթացակարգ, համաձայն որի՝ «Իմ քայլը» խմբակցությունը նախագիծ է ներկայացնում ԱԺ նախագահին, եւ դա դրվում է շրջանառության մեջ՝ ուղղորդվելով գլխադասային հանձնաժողով։ Հիմա գործընթացը տեղի է ունենում, նախագիծը վաղը կլինի ԱԺ նախագահի մոտ»։


Հիշեցնենք, որ ՍԴ նախագահ Հրայր Թովմասյանի հրաժարականի ընթացակարգ սկսելու նախաձեռնության մասին հայտարարել էր «Իմ քայլը» խմբակցության ղեկավար Լիլիթ Մակունցը՝ խմբակցության նիստի արդյունքների հիման վրա։

 


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել