Թեկնածու առաջադրելու ցանկություն ունեցել ենք. Մարուքյանը պարզաբանել է, թե ինչու ԼՀԿ–ն ԲԴԽ անդամի թեկնածու չի առաջադրել
06:50 - 12 հունիսի, 2019

Թեկնածու առաջադրելու ցանկություն ունեցել ենք. Մարուքյանը պարզաբանել է, թե ինչու ԼՀԿ–ն ԲԴԽ անդամի թեկնածու չի առաջադրել

ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը պարզաբանել է, թե ինչու խմբակցությունը Բարձրագույն դատական խորհրդի անդամի թեկնածու չի առաջադրել։ Նա ֆեյսբուքյան իր էջում, մասնավորապես, գրել է.

«Սիրելի՛ քաղաքացիներ,

Մեզ շատ են հարցնում, թե ինչու ԲԴԽ անդամի թափուր տեղի համար Լուսավոր Հայաստան խմբակցությունը թեկնածու չի առաջադրել։

Հայտնում եմ, որ մենք մեծ ցանկություն ունեցել ենք թեկնածու առաջադրելու, եւ անգամ զրուցել մի շարք հայտնի իրավագետների հետ։ Սակայն բոլորն էլ խուսափել են առաջադրումից՝ հաշվի առնելով վերջին շրջանում Սահմանադրական դատարանի դատավորի թեկնածուների հետ կապված Ազգային Ժողովի մեծամասնության կողմից անցկացված հավատաքննության թեստերը։

Հասկանալով, որ ընդդիմության կողմից ներկայացվող թեկնածուն հնարավորություն չունի ընտրվելու առանց քաղաքական մեծամասնության կամքի, նրանք բոլորը հրաժարվել են։
Եթե այդ նույն քաղաքական մեծամասնության առաջնորդները հայտարարեն, որ պատրաստ են արհեստական պատճառաբանություններով չխոչընդոտել եւ չդարձնել ընդդիմության թեկնածու առաջադրելը պատրանքային, մենք կառաջադրենք ԲԴԽ անդամի երկրորդ թափուր տեղի համար թեկնածու»։

 


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել