#միՇնչով

Բաքուն պատրաստ է փոխանակել Ադրբեջանում գտնվող ՀՀ քաղաքացիներ Կարեն Ղազարյանին և Արայիկ Ղազարյանին՝ ԼՂՀ-ում դատապարտված ադրբեջանցիների ՝ Դիլհամ Ասկերովի և Շահբազ Գուլիևի հետ: |aysor.am|
ՀՀ նախկին զինդատախազ Գագիկ Ջհանգիրյանը քիչ առաջ արդարացվեց։ Նա դիմել էր Վճռաբեկ դատարան՝ խնդրելով բեկանել իր վերաբերյալ 2009 թվականի դատավճիռը եւ նույն թվականի մայիսի 20-ի որոշումը, ճանաչել եւ հռչակել իր անմեղությունը, կայացնել արդարացման դատական ակտ։ |armtimes.com|
«Քաղաքացիական պայմանագիր» կուսակցությունը քիչ անց վարչության նիստ է հրավիրելու: Նիստին ներկա է լինելու նաև ՀՀ վարչապետ Նիկոլ Փաշինյանը: Ըստ տեղեկությունների՝ օրակարգում լինելու է ուժային կառույցների նոր ղեկավարների նշանակման հարցը: |factor.am|
2019-ի առաջին կիսամյակի տվյալներով՝ Հայաստանում գազի փոխադրման ու բաշխման համակարգերում գազի կորուստները և սեփական կարիքների համար ծախսերը երբևէ արձանագրված ամենացածր մակարդակի վրա են՝ ներկրված գազի նկատմամբ ընդամենը 4.9% կամ 58.4 մլն խմ: Ընդ որում՝ նախորդ տարվա համեմատ կորուստներն ու ծախսերը նվազել են գրեթե 1 տոկոսային կետով: Նույն ժամանակահատվածում Հայաստանում արձանագրվել է էլեկտրաէներգիայի բաշխիչ ցանցերում կորուստների երբևէ նկատված ամենացածր մակարդակը՝ 7.2%: Ընդ որում՝ 2018-ին կորուստները կազմել են 8.2%, 2017-ին՝ 9.1%, 2016-ին՝ 10.7%: [Նիկոլ Փաշինյան]
Ես ողջ կյանքում ծառայել եմ պետությանն ու ժողովրդին, օրենքին ու արդարադատությանը՝ բացառապես ուղենիշ ու չափորոշիչ ունենալով սպայի պատիվն ու արժանապատվությունը: Այսուհետև էլ շարունակելու եմ ծառայել իմ ժողովրդին սկզբունքի ու բարոյականության նույն չափանիշներով: [Վալերիյ Օսիպյանը հայտարարություն է տարածել]
Վլադիմիր Գասպարյանին մեղադրանք է առաջադրվել։ Վլադիմիր Գասպարյանը, հանդիսանալով պետ (ևպաշտոնատար անձ՝ 1997թ. հունիսից 2010 թվականի հոկտեմբերը զբաղեցնելով ՀՀ պաշտպանության նախարարության զինվորական ոստիկանության վարչության պետի, այնուհետև՝ ՀՀ պաշտպանության փոխնախարարի պաշտոնը, տեղյակ լինելով, որ ՀՀ զորամասի 3 զինծառայող նշանակման օրվանից չեն ներկայանում զինծառայության, այլ դրա փոխարեն կատարում են այլ աշխատանք , այն է՝ ՀՀ երրորդ նախագահ Սերժ Սարգսյանի եղբայր՝Լյովա Սարգսյանի վարորդ, իսկ երկուսը՝ Ալեքսանդր Սարգսյանի թիկնապահներ։ Նրա նկատմամբ որպես խափանման միջոց է ընտրվել ստորագրություն չհեռանալու մասին:
ԱԺ-ում ստեղծված Ապրիլյան պատերազմի հանգամանքները քննող քննիչ հանձնաժողով Դավիթ Տոնոյանը քննարկման դեռ չի հրավիրվել։ Նախարարը նշեց, որ իր գնահատմամբ, հանձնաժողովի աշխատանքը արդյունավետ է։ Տոնոյանի խոսքով՝ ցավոտ անակնկալներ չեն սպասվում։ |tert.am|
ԱԱԾ նախկին պետ Արթուր Վանեցյանի հոր՝ Գագիկ Վանեցյանի դեմ ՊԵԿ-ում հարուցված քրեական գործ չկա:|lragir.am|
Ես ուզում եմ կարևոր բան ասել, կոչ անել բոլորին, որ առհասարակ չփորձեն պղտոր ջրում ձուկ որսալ, չփորձեն ինձ ներքաշել իրենց խաղերի մեջ: Ես իմ այս մեկ ու կես տարիների ընթացքում, երբ եղել եմ ԱԱԾ տնօրեն, իրականացրել եմ իմ աշխատանքը պատվով, մեծ պատասխանատվությամբ, և դրական արդյունքները եղել են ակնհայտ բոլորի համար: Այն հեղինակությունը և վարկանիշը, որը ձեռք է բերել ԱԱԾ-ն, իմ համար դա ամենակարևոր ու մնայուն արժեքն է: Եվ ես կարծում եմ, որ այդ գործում ունեցել եմ շատ մեծ հաջողություն: Նախկինների խանդավառությունը, որը նկատվում է երեկվանից, ես ուզում եմ ասել, որ թող մնան իրենց քաղաքական անցյալում և չփորձեն խառնվել իմ ու գործող իշխանությունների ներկայիս հարաբերությունների մեջ: Այդ հարաբերությունները մենք գիտենք ոնց են և ոնց կշարունակենք։ [Արթուր Վանեցյանը իր հրաժարականի մասին] |lragir.am|
Առողջապահության համաշխարհային կազմակերպության անդամ 53 երկրի ներկայացուցիչների քվեարկության արդյունքում Հայաստանը` ի դեմս առողջապահության նախարար Արսեն Թորոսյանի, ընդգրկվել է ԱՀԿ Մշտական կոմիտեի կազմում, որը կգործի առաջիկա 3 տարիներին:Քվեարկության արդյունքում ԱՀԿ եվրոպական տարածաշրջանի տնօրեն է ընտրվել Բելգիայի ներկայացուցիչը` Հանս Կլյուգեն:
Ռոբերտ Քոչարյանին ՍԴ որոշման հիմքով ազատ արձակելու միջնորդության մերժումից հետո նրա պաշտպանները դատարանին միջնորդեցին Քոչարյանին գրավի դիմաց ազատ արձակել։ Երկրորդ նախագահի պաշտպան Հովհաննես Խուդոյանը դատարանում հայտնեց, որ իրենք գրավի չափ չեն սահմանել, դա թողնում են դատարանի հայեցողությանը։ |factor.am|
ՀՀ շրջակա միջավայրի նախարարությունից տեղեկացնում են, որ Շրջակա միջավայրի նախարար Էրիկ Գրիգորյանն ընտրվել է ԱՊՀ երկրների Միջպետական էկոլոգիական խորհրդի նախագահ:
Երևանի ընդհանուր իրավասության դատարանը այսօր ժամը 13-ին կհրապարակի Մարտի 1-ի գործով առանցքային մեղադրյալ Ռոբերտ Քոչարյանի խափանման միջոցի հարցով որոշումը: Քոչարյանի փաստաբանները միջնորդություն են ներկայացրել՝ կալանքից ազատ արձակել իրենց պաշտպանյալին՝ հիմնվելով Սահմանադրական դատարանի սեպտեմբերի 4-ին հրապարակված որոշման վրա։ |azatutyun.am|
Հայաստանի նախորդ իշխանությանը գնահատական տրվել է և այդ գնահատականը եղել է Հայաստանում տեղի ունեցած հեղափոխությունը և Հայաստանում շարունակվող հեղափոխությունը։Ասել եմ, որ դա կոռումպացված ռեժիմ է, որը թալանել է երկիրը և որի թալանածը կոպեկ առ կոպեկ պետք է հետ բերենք։Հայաստանի քաղաքական այս գործընթացներում ես երբեք որևէ մեկի հետ պայմանավորվածություն ձեռք չեմ բերել:Եվ ժամանակը դա ցույց է տվել, ինձ մեղադրում էին, որ բանտից պայմանավորվածության համաձայն եմ դուրս եկել: Հետո ժամանակը ցույց տվեց, թե ով ում հետ ինչ էր պայմանավորվել:[Նիկոլ Փաշինյան]
ԲԴԽ կազմն էական համալրվել է, ըստ էության ձևավորվել է հակակոռուպցիոն ռազմավարությունը, որտեղ նկարագրված է նաև վեթթինգ կոչվող գործընթացը։ Ավելի շատ «վեթթինգ» անունի վրա է կենտրոնացնում ուշադրությունը, քան բովանդակությունը, որոշեցինք այդ բառն ուղղակի չօգտագործել։ Բայց մեխանիզմները դրված են հակակոռուպցիոն ռազմավարության մեջ, և առաջիկայում հակակոռուպցիոն երկու մարմին ենք ստեղծելու։Կներեք, բայց ամենաապիկար վտանգները ՀՀ-ին սպառնում են Հայաստանի դատական համակարգից։ [Նիկոլ Փաշինյան]
Հայտնում եմ , որ ՀՀ Ազգային անվտանգության ծառայության տնօրենի պաշտոնից հրաժարականի դիմում ներկայացնելու որոշում եմ կայացրել։ Այս որոշումը ես կայացրել եմ նույնքան վստահ, որքան այն մեկը, երբ մեր երկրի համար բախտորոշ փուլում համաձայնվեցի ստանձնել Ազգային անվտանգության ծառայության տնօրենի պաշտոնը։ Իմ հրաժարականը թող լինի «Կա՛նգ առ»-ի սթափեցնող քայլ, մնացած բոլոր տարբերակներում կհաղթանակի հայրենիքի հանդեպ պարտքը: [Արթուր Վանեցյանը իր հրաժարականի մասին]
ԱԱԾ տնօրեն Արթուր Վանեցյանը կհեռացվի պաշտոնից։ Դա տեղի է ունեցել ԱԱԾ տնօրենի հետ մի քանի քննարկումների ընթացքում և փոխադարձ համաձայնությամբ։ Պարոն Վանեցյանի հետագա գործունեության մի քանի սցենարներ ենք քննարկել և այդ սցենարները կքննարկվեն նաև ընթացս։ Այս պահին պարոն Վանեցյանը պետք է կենտրոնանա Ֆուտբոլի ազգային հավաքականին Եվրոպայի առաջնություն եզրափակիչ հատված դուրս բերելու շատ կարևոր հարցի լուծվան վրա ։ [Նիկոլ Փաշինյան]
Ազգային ժողովն այսօր՝ սեպտեմբերի 16-ին, առաջին ընթերցմամբ ընդունեց «Տեսանկարահանող կամ լուսանկարահանող սարքերով հայտնաբերված ճանապարհային երթեւեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» աղմկահարույց օրենքի նախագիծը։Առաջարկում են քաղաքացիներին հնարավորություն տալ տեսանկարահանել ճանապարհային երթեւեկության խախտումները եւ օնլայն ռեժիմով՝ հավելվածի միջոցով փոխանցել ոստիկանությանը: |armtimes.com|
ՀՀ Ազգային ժողովը երկրորդ ընթերցմամբ և ամբողջությամբ ընդունեց «ՀՀ Ազգային ժողովի պատգամավորի գործունեության երաշխիքների մասին» օրենքում փոփոխություն կատարելու մասին» նախագծի լրամշակված տարբերակը:Նախագծով առաջարկվում է ամրագրել, որ պետական և տեղական ինքնակառավարման մարմիններն ու պաշտոնատար անձինք պետք է տասնօրյա ժամկետում քննարկեն պատգամավորի գրավոր հարցումը կամ առաջարկը և գրավոր պատասխանեն նրան:|armenpress.am|
Մենք այսօր բոլորս միասին ամենաբարի գործն արեցինք։ Քիչ առաջ խորհրդարանը առաջին ընթերցմամբ կողմ քվեարկեց կենդանիների հանդեպ դաժան վերաբերմունքը քրեականացնող նախագծին: [Նաիրա Զոհրաբյան]
Բնակելի շենքերի բնակարանների գրանցված առքուվաճառքի գործարքների քանակը 2019 թվականի հուլիսի համեմատ աճել է 7.6 %-ով: Երեւանում 2019 թվականի օգոստոսին բազմաբնակարան շենքերի բնակարանների 1 քառակուսի մետր մակերեսի հաշվարկով շուկայական միջին գները 2019 թվականի հուլիս ամսվա համեմատ աճել են 1.1 %-ով։2019 թվականի օգոստոսին Հանրապետությունում անշարժ գույքի նկատմամբ իրականացվել է իրավունքի պետական գրանցման 15 հազար 507 գործարք։[Կադաստրի կոմիտե]
Երևանի պետական համալսարանը իր տնօրինության տակ գտնվող Ծաղկաձորի ուսումնական բազայի պահպանման համար այս տարի 51 մլն դրամ է հատկացրել իր բյուջեից, 2016 թվականին՝ 74 մլն, 2017-ին՝ 82 մլն դրամ։ ԵՊՀ-ի ուսումնական բազաները, որոնք գործնականում հյուրանոցներ են, տարիներ շարունակ չեն կարողանում իրենց ծախսերը հոգալ, և համալսարանը ամեն տարի միլիոնավոր դրամներ է տրամադրում դրանց պահպանման համար։ |civilnet.am|
«Երևանի հենաշարժական համակարգի խախտումներ ունեցող երեխաների թիվ 17 հատուկ դպրոց ՊՈԱԿ-ի տնօրենը, հանդիսանալով պաշտոնատար անձ, իր աշխատանքային գործունեության՝ 2015, 2016 և 2017թթ. առաջին կիսամյակի ընթացքում կատարել է մի շարք չարաշահումներ: Վատնման եղանակով հափշտակել է առանձնապես խոշոր չափերով՝ 5.425.049 ՀՀ դրամ արժողությամբ սնունդ:
ՀՀ պաշտպանության նախարարի մամուլի խոսնակ Արծրուն Հովհաննիսյանը իրավաչափ չի համարում Արցախի Հանրապետության Շուշի քաղաքի «Շուշի քրեակատարողական հիմնարկ»-ում գտնվող ադրբեջանցի երկու դիվերսանտի փոխանակումը Ադրբեջանում գտնվող ՀՀ քաղաքացիների և զինծառայողների հետ:|armenpress.am|
Արամ Հարությունյանի մասնակցությամբ միջադեպով հետաքննություն է կատարվում։ Մարմնական վնաս հասցնելու փաստով հետաքննություն է կատարվում՝ երկու դեպքում էլ։ Այնտեղ մի տղամարդ կնոջ էր հարվածել և երկու տղամարդ էլ մի տղամարդու են հարվածել։ Տեսախցիկները նաեւ ֆիքսել էին, թե ինչպես է մեկ այլ անձ թիկունքից հարվածում ոստիկանների կողմից բերման ենթարկվող Արամ Հարությունյանին։|pastinfo.am|
«Հրազդան» ԲԿ-ի նախկին տնօրենը, 1988-2017թթ. զբաղեցնելով նշված պաշտոնը, օգտագործելով պաշտոնեական դիրքը, բժշկական կենտրոնում աշխատակիցներ է հրամանագրել և նրանց փաստացի աշխատանքի չհաճախելու պայմաններում աշխատավարձ դուրս գրելով, չկատարված ծառայությունների մատուցման պայմանագրեր կնքելով և ԲԿ-ից գումար դուրս գրելով, փաստացի կատարված վերանորոգման ծավալներն ուռճացնելով և այլ եղանակներով հափշտակել է առանձնապես խոշոր չափի գումար, որի հետևանքով պետությանը պատճառվել է առանձնապես խոշոր չափերի գույքային վնաս:Նախաքննության ընթացքում «Հրազդան» ԲԿ-ի նախկին տնօրենի կողմից պետությանը պատճառված վնասը՝ 11.560.000 ՀՀ դրամ գումարը։
ՀՀ Ազգային ժողովն ընդունեց «Ավիացիոն պատահարների և լուրջ միջադեպերի քննության միջազգային բյուրոյի ստեղծման և գործունեության մասին» համաձայնագիրը վավերացնելու մասին ՀՀ օրենքի նախագիծը: Կառավարության ներկայացրած օրենքի նախագիծը ԱԺ նիստում ստացավ 104 կողմ, 1 դեմ ձայն: |armenpress.am|
Տասը տարի, մեղադրյալ Քոչարյան, դու ու Սերժը մտերիմներ էիք, նույն հող ու ջրի մարդ էիք, ի՞նչն էր խանգարում, գոնե ձևականորեն ասեիր՝ այ Սերժ, արի գոնե ձևականորեն այս Մարտի 1-ի էջը բացենք և փակենք… Դե տղամարդկություն ունեցիր, քո խստագույն պատիժը կրի։Հավատում եմ, որ դատավորը արդար կլինի և հույս ունեմ, որ կթողնի Քոչարյանին կալանքի տակ։Պետք է թպրտա, պետք է փորձի իրեն փրկել, բայց տեղի է ունեցել իշխանափոխություն, և հիմա պետք է օրենքը գործի, ոչ թե փողը։[Մարտի մեկի զոհերից Գոռ Քլոյանի հայրը՝ Սարգիս Քլոյան]|lragir.am|
ԱԺ-ում այսօր երկրորդ ընթերցմամբ ընդունվեց ԱԺ նախագահ, «Իմ քայլը» խմբակցության անդամ Արարատ Միրզոյանի ներկայացրած նախագիծը, որով քաղաքական ուժերի միջև ձեռքբերված համաձայնությամբ սահմանվել է կոռուպցիայի կանխարգելման մարմնի, հանրային ծառայությունները կարգավորող հանձնաժողովի և այլ անկախ մարմինների անդամների ընտրության կարգը։ Իշխանության համաձայնությամբ՝ այդ կառույցների անդամների նշանակման համար քվոտաներ են տրվել ընդդիմադիր խմբակցություններին։ Նախագիծն ընդունվեց 104 կողմ, 1 դեմ ձայներով։
Ճշգրտման արդյունքում մենք ունենք ավելի լավատեսական տեղեկություններ: Ըստ այդմ, 2018 թվականի մայիսից մինչեւ օրս ի հայտ է եկել 65 հազար 37 աշխատատեղ (աճը՝ 12 տոկոս) երեկ հայտարարված 64 հազար 899-ի փոխարեն: 150 հազարից մինչև 2 մլն դրամ աշխատավարձ ստացող սեգմենտը գերակշիռ մեծամասնություն է կազմում, ինչը շատ լավ նորություն է: [Նիկոլ Փաշինյան]
Ռոբերտ Քոչարյանի, Յուրի Խաչատուրովի, Սեյրան Օհանյանի և Արմեն Գևորգյանի գործով դատական նիստից առաջ և դրա ընթացքում տեղի ունեցած միջադեպերից հետո բերման ենթարկված բոլոր քաղաքացիներն ազատ են արձակվել: Երևան քաղաքի ընդհանուր իրավասության դատարանի Շենգավիթի նստավայրի մոտից բերման էր ենթարկվել երեք քաղաքացի, մեկը` հրավիրվել ոստիկանություն:
ԱԱԾ քննիչը (իրականում՝ վերադասը) մերժեց իմ նկատմամբ քրեական հետապնդումը դադարեցնելու փաստաբաններիս հիմնավոր ու փաստարկված միջնորդությունը։ Եվ այն մերժեց անհիմն պատճառաբանություններով, որոնցից մեկը հետևյալն է. իմ չորս վկաների վերաբերյալ ընդգծել են, որ նրանք իմ ենթականերն են եղել, ուստի նրանց վկայություններն արժանահավատ չեն, մինչդեռ Սամվել Ադյանը նույնպես իմ ենթական է եղել, բայց նրա կեղծ ցուցմունքը դիտարկել են արժանահավատ, քանի որ իմ դեմ է։ Մի փոքր հույս ունեմ, որ դատախազությունն ավելի խելամիտ կգտնվի և չի ստանձնի այս կեղծ մեղադրանքն առաջ տանելու պատասխանատվությունը։ [Դավիթ Սանասարյան]
Սեպտեմբերի 14-ին Ջերմուկ առողջարանային քաղաքի բնակիչները մեծ ավտոերթով գնում են միանալու մայրաքաղաք Երևանում նախատեսվող մեծ քայլերթին` նվիրված Ամուլսարի փրկությանը։ Այսպիսով, մեր պայքարը ոչ թե ուղղված է ընդդեմ կառավարության, այլ հեղափոխության տրամաբանական շարունակությունն է։ Ամուլսարը հայրենիք է, ուստի հայրենիքի փրկության ճանապարհին մենք այլևս ետ քայլ չունենք։ [Ջերմուկի բնակիչ Շիրակ Բունիաթյան]
Կառավարության որոշման արդյունքում կհիմնանորոգվի ընդհանուր 39.2 կմ ավտոճանապարհ` 4․4 մլրդ դրամով, եւ կիրականացվի ընդհանուր 48.6 կմ ճանապարհի նախագծային աշխատանք՝ 87մլն դրամով:
Կառավարության այսօրվա նիստին տարածքային կառավարման և ենթակառուցվածքների նախարար Սուրեն Պապիկյանը նշեց, որ վստահաբար այս տարի Սևանա լճից թույլատրվածից ավելի ջրառ չի իրականացվելու: Այս պահի դրությամբ թույլատրելի 170 միլիոն խ/մ-ից 30 մլն խ/մ-ով պակաս ջուր է բաց թողնվել, իսկ անցած տարվա նույն օրվա համեմատ՝ 53 միլիոն խ/մ-ով պակաս:|lragir.am|
Կառավարությունը բավարարեց մի շարք ընկերութնների ներկայացրած հայտը՝ գերակա ոլորտում իրականացվող ներդրումային ծրագրի շրջանակում մաքսատուրքից ազատման արտոնությունից օգտվելու համար: Այդ ընկերություններն են՝ «ԻՐԻՆԱ ԿՈՉՈՅԱՆ» ԱՁ,«ԱՆԻՊԼԱՍՏ» ՍՊԸ,«ԱՐԻԿՈ-ԳՈՌ» ՓԲԸ։
ԱԺ-ն ընդունեց գույքահարկի թանկացում նախատեսող օրենքը։ԱԺ-ն օրենքի նախագիծն ընդունեց 92 կողմ, 15 դեմ, 2 ձեռնպահ ձայներով: |shantnews.am|
ՀՀ Ազգային ժողովը երկրորդ ընթերցմամբ և ամբողջությամբ ընդունեց մեկ անձից բաղկացած Սահմանափակ պատասխանատվությամբ ընկերություն հիմնելու հնարավորություն ընձեռող օրենքի նախագիծը:Նախագիծն ընդունվեց 107 կողմ, 1 դեմ և 2 ձեռնպահ ձայնով:
ԱԺ-ն առաջին ընթերցմամբ ընդունեց դեկտեմբերի 7-ն Աղետների դիմակայունության օր նշելու օրենքի նախագիծը։|armenpress.am|
Ամուլսարի պաշտպանության համար Երեւանում ընթացող ակցիայի մասնակիցները սեպտեմբերի 20-ը հռչակեցին բնապահպանական մոբիլիզացիայի օր եւ բոլոր քաղաքացիներին կոչ արեցին պատրաստվել զանազան ակցիաների, ինքնակազմակերպվել եւ դուրս գալ փողոցներ, պայքարել բնապահպանական արդարության համար։ Հենց սեպտեմբերի 20-ին են Ջերմուկի բնակիչները եւ Ամուլսարի պաշտպանները նշանակել երկրի կառավարության համար այն վերջնաժամկետը, երբ որոշում պետք է կայացվի Ամուլսարի մասին։ Ցույցի մասնակիցները իշխանություններին կոչ արեցին հարցը չձգձգել եւ չհովանավորել մասնավոր ընկերությանը։
Ավարտվեց ի պաշտպանություն Ամուլսարի երթը: ԱԺ այգուց ցուցարարները քայլերթով ուղևորվեցին դեպի Հանրապետության հրապարակ՝ Ամուլսարի վերաբերյալ իրազեկում անելով: Ակցիայի մասնակիցները համաձայն չեն վարչապետի հայտարարության հետ այն մասին, որ Ամուլսարի հանքը չշահագործման համար իրավական հիմքեր չկան:
Երեւանում ընթացող հանուն Ամուլսարի ակցիայի մասնակիցները կառավարության շենքի դիմաց կատարել են «Հեյ ջան, Հայաստան» երգը՝ «Հայաստան» բառը փոխարինելով «Ամուլսար» բառով: Նրանք ազգային երգեր են երգում՝ երգերի բառերը փոխարինելով «Ամուլսար» ու «Ջերմուկ» բառերով:
Ի պաշտպանություն Ամուլսարի ակցիայի մասնակիցները մասնակիորեն փակել են Երեւանի կենտրոնի երթեւեկությունը: Ավելի վաղ հաղորդվել է, որ երթը սկսվել է ԱԺ պուրակից, ակցիայի մասնակիցները շարժվում են Բաղրամյան-Մաշտոցի պողոտա-Ամիրյան փողոց-Հանրապետության հրապարակ երթուղով: |news.am|
Մասնագիտական քնարկումներ այլևս չենք անցկացնելու, որովհետև բոլոր հիմնավորումները 2011-ից առ այսօր տրվել են և 2019թ.-ի Կառավարության կողմից պատվիրված փորձաքննության արդյունքում վերահաստատվել են գրեթե 100 տոկոսով, և մի բան էլ ավելացել են նոր փաստարկներ, որ մենք և մնացած մասնագետները չէինք նկատել 7 տարվա ընթացքում: Այս ամենի հետ մեկտեղ խոսել իրավական հիմքերի բացակայության մասին, չգիտեմ՝ որ ժանրից է: [ ՀԲՃ անդամ Լևոն Գալստյան]
ՀՀ պետական տնտեսագիտական համալսարանի ռեկտորի նախկին պաշտոնակատար Ռուբեն Հայրապետյանը կասկածվում է պաշտոնեական լիազորությունները չարաշահելու մեջ: Ռեկտորի նախկին պաշտոնակատարը չարաշահելով իր պաշտոնեական լիազորությունները, խախտելով աշխատանքային օրենսգրքի և ԲՈՒՀ-ի կանոնադրության պահանջները՝ իր մտերիմներին տրամադրել է չնախատեսված ամենամյա վճարովի արձակուրդներ, միանվագ դրամական պարգևատրումներ և լրավարձեր, ինչի հետևանքով վատնվել են խոշոր չափերի գումարներ:|armenpress.am|
Վարչապետի նշած 51 հազար աշխատատեղի փոխարեն այս պահի դրությամբ արդեն 63 հազար աշխատատեղ է դուրս բերվել ստվերից։Ստվեր միշտ լինելու է, ըստ այդմ՝ նոր թվեր կլինեն, և իրենք անընդհատ փորձելու են կրճատել այդ ստվերը, քանի որ վերացնել անհնար է։ [ ՊԵԿ նախագահ Դավիթ Անանյան]|shantnews.am|
Երեկ երեկոյան տեղի ունեցած երկրաշարժի օջախի էներգիան արդեն պարպվում է։Գիշերվա ընթացքում երկու թույլ ցնցումներ ենք ունեցել նույն օջախում, իսկ հետցնցումների քանակը զգալի նվազել է, ինչը մասնագետների գնահատմամբ կայուն վիճակ է և ցույց է տալիս որ օջախի էներգիան նման կերպ պարպվում է։[Շիրակի մարզպետ Տիգրան Պետրոսյան]
Ազգային ժողովն այսօրվա քվեարկությամբ առաջին ընթերցմամբ ընդունեց ճանապարհային երթևեկության կանոնների խախտման բալային համակարգի ներդրման մասին նախագիծը։ Նոր նախագիծն առաջարկում է ամեն 1 տարվա ընթացքում վարորդին տալ բալեր, որոնք համապատասխան խախտումների դեպքում նվազելու են։ Իսկ եթե այդ բալերի թիվը հասնի զրոյի, նախատեսվում է վարորդի վարորդական իրավունքի կասեցում՝ 6 ամսով, ինչից հետո վարորդին կրկին տրվելու է 9 միավոր 1 տարվա համար։ Երկրորդ անգամ իր բալերը զրոյացնելու դեպքում վարորդն իր իրավունքներից կզրկվի 1 տարով ու վարելու իրավունք նորից կստանա միայն քննությամբ։|
ՀՀ Ազգային ժողովն ընդունեց ՀԱՊԿ-ում Վարչապետի ներկայությունն ապահովող օրինագիծը: «2002 թվականի հոկտեմբերի 7-ի` Հավաքական անվտանգության մասին պայմանագրի կազմակերպության կանոնադրությունում փոփոխություններ կատարելու մասին» երկրորդ արձանագրությունը վավերացնելու մասին օրենքի նախագիծը խորհրդարանն ընդունեց միաձայն: Նախագծի ընդունումը հնարավորություն կտա ՀԱՊԿ խորհրդի կազմի մեջ մտնել այն երկրների կառավարությունների ղեկավարներին, որոնց պետության օրենսդրությամբ դա նախատեսված է: |armenpress.am|
Վրացական շուկայում վաճառվող օծանելիքի մեջ հայտնաբերվել է քիմիական այնպիսի տարր/պարաբենի տեսակ/, որի վաճառքը ԵՄ շուկայում վաճառվող օծանելիքի և կոսմետիկայի արտադրանքներում արգելված է: Ուսումնասիրությունները բազմիցս ցույց են տվել պարաբենի բացասական ռիսկերը մարդու էնդոկրին, նյարդային և իմունային համակարգերի վրա: |shantnews.am|
x