Պաղեստին

Դե յուրե ինքնիշխան պետություն Միջին Արեւելքում՝ Հորդանան գետի արեւմտյան ափին (սահմանակցում է Իսրայելին եւ Հորդանանին) եւ Գազայի հատվածին (սահմանակցում է Իսրայելին եւ Եգիպտոսին), որի մայրաքաղաքն է համարվում Արեւելյան Երուսաղեմը՝ չնայած վարչական կենտրոնը Ռամալլահում է: Պաղեստին պետության մեծ հատվածն, ըստ համացանցի աղբյուրների, օկուպացված է Իսրայելի կողմից՝ 1967 թվականի Վեցօրյա պատերազմից հետո:

Երկրորդ համաշխարհային պատերազմից հետո, 1947 թվականին ՄԱԿ-ը հաստատեց Բաժանման նախագիծը Պաղեստինի համար, որը հորդորում էր ստեղծել անկախ արաբական եւ հրեական պետություններ` առանձնացնելով Երուսաղեմը, որը պետք է ղեկավարվեր ՄԱԿ-ի հատուկ միջազգային կառավարման ռեժիմով: Հրեական պետության հիմնադրումից հետո, որը 1948 թվականի մայիսի 14-ին ստացավ Իսրայել անվանում, ներքաշվեց պատերազմների մեջ արաբական բանակների հետ: Ավելի ուշ Արաբական լիգայի կողմից ստեղծվեց Համապաղեստինյան կառավարությունը, որը կառավարեց Եգիպտոսի կողմից վերահսկվող Գազայի հատվածը: Այն շուտով ճանաչվեց Արաբական լիգայի անդամ բոլոր պետությունների կողմից՝ բացառությամբ Հորդանանի: Չնայած Համապաղեստինյան կառավարությունը իրեն հռչակեց ոչ միայն Գազայի հատվածի, այլ ամբողջ նախկին Բրիտանական Պաղեստինի կառավարիչ, այն միայն սահմանափակվում էր Գազայի հատվածով: Իսրայելը ավելի ուշ նվաճեց Գազայի հատվածը եւ Սինայի թերակղզին Եգիպտոսից, Հորդանանի գետի արեւմտյան ափը Հորդանանից եւ Գոլանի բարձունքները՝ Սիրայից՝ Վեցօրյա պատերազմի ընթացքում:

Իսրայելի ռազմաօդային ուժերը հարվածել են ՀԱՄԱՍ-ի կենտրոնակայանին
|armenpress.am|

Իսրայելի ռազմաօդային ուժերը հարվածել են ՀԱՄԱՍ-ի կենտրոնակայանին |armenpress.am|

armenpress.am: Իսրայելի ռազմաօդային ուժերը ճշգրիտ հարված են հասցրել ՀԱՄԱՍ-ի կենտրոնական ռազմական շտաբին, որը գտնվում էր Մերձավոր Արևելքում Պաղեստինի փախստականների օգնության և աշխատանքի գործակալության շենքում, Գազայի հատվածի Նուսեյրաթ ճամբարում: Ինչպես տեղեկացնում է «Արմենպրես»-ը՝ վկայակոչելով «ТАСС»-ը, այդ մասին հայտնել է Իսրայելի Պաշտպանության բանակի մամուլի ծառայությունը՝ նշելով, որ հարձակման արդյունքում սպանվել է մոտ 15 մարդ, որոնցից 10-ը՝ արմատական շարժման պարագլխային թևի անդամներ էին։ «Հիմնվելով հետախուզության վրա՝ իսրայելական ռազմաօդային ուժերը ճշգրիտ հարված են հասցրել ՀԱՄԱՍ-ի կենտրոնական ռազմական շտաբի հրամանատարական շտաբին։ Օդային ուժերի հարվածների արդյունքում Գազայի հատվածում սպանվել է ահաբեկչական կազմակերպությունների շուրջ 15 զինյալ, որոնցից 10-ից ավելին ՀԱՄԱՍ-ի անդամներ են եղել»,- ասված է հաղորդագրության մեջ։ Իսրայելական բանակի մամլո ծառայությունը նշել է, որ հարվածն իրականացվել է ճշգրիտ կառավարվող զինամթերքի կիրառմամբ՝ քաղաքացիական անձանց վնասը նվազագույնի հասցնելու նպատակով:

21:27 - 14 մայիսի, 2024

Գազայի հատվածում զոհերի թիվը գերազանցել է 35 հազարը |shantnews.am|

Գազայի հատվածում զոհերի թիվը գերազանցել է 35 հազարը |shantnews.am|

shantnews.am: Գազայի հատվածին 2023 թվականի հոկտեմբերի 7-ից Իսրայելի հարվածների հետևանքով զոհերի թիվը գերազանցել է 35 հազարը, ավելի քան 78,7 հազար մարդ վիրավորվել է, հայտնում է Գազայի առողջապահության նախարարությունը։«Անցյալ տարվա հոկտեմբերի 7-ից Իսրայելի ագրեսիայի զոհերի թիվը հասել է 35,034-ի, վիրավորվել է 78,755 մարդ»,- ասվում է Գազայի առողջապահության նախարարության հայտարարության մեջ: Հայտարարության մեջ նշվում է, որ անցած 24 ժամվա ընթացքում Գազայի հիվանդանոցներ են տեղափոխվել 63 զոհ և 114 վիրավոր։

15:52 - 12 մայիսի, 2024

Իսրայելը շարունակում է ռազմագործողությունը Ռաֆահում
|armenpress.am|

Իսրայելը շարունակում է ռազմագործողությունը Ռաֆահում |armenpress.am|

armenpress.am: Իսրայելի պաշտպանության բանակի զորքերը շարունակում են մարտական գործողությունները Գազայի բոլոր հատվածներում, այդ թվում՝ Ռաֆահում: Այս մասին հայտարարել է Իսրայելի Պաշտպանության բանակի ներկայացուցիչ Դանիել Հագարին: Նա հայտնել է, որ, մասնավորապես, հարավային հատվածում 162-րդ դիվիզիայի զորքերը շարունակում են արևելյան Ռաֆահում ՀԱՄԱՍ-ի թիրախների ոչնչացման գործողությունը։ Նրա խոսքով՝ սա նպատակաուղղված, հետախուզության կողմից ղեկավարվող գործողություն է այդ տարածքում ՀԱՄԱՍ-ի ենթակառուցվածքների դեմ, որտեղից հրթիռակոծվել է բնակելի տարածք, ընդ որում՝ մանկական խաղահրապարակ: «Մինչ այժմ մեզ հաջողվել է տասնյակ ահաբեկիչների ոչնչացնել արևելյան Ռաֆահում, գտնել ստորգետնյա կարեւոր երթուղի և առգրավել մեծ քանակությամբ զենք։ Այսօր առավոտյան մենք համակարգել ենք արևելյան Ռաֆահի մարտական գոտուն հարակից շրջաններից ժամանակավոր տարհանումը»,- Հագարի խոսքն է մեջբերել Իսրայելի ՊԲ մամուլի ծառայությունը:

15:48 - 12 մայիսի, 2024

Կոչ ենք անում Իսրայելին Ռաֆահում ցամաքային գործողություն չիրականացնել. Բորել
|azatutyun.am|

Կոչ ենք անում Իսրայելին Ռաֆահում ցամաքային գործողություն չիրականացնել. Բորել |azatutyun.am|

azatutyun.am: Իսրայելը միջազգային իրավունքի համաձայն պարտավոր է ապահովել Ռաֆահի բնակիչների անվտանգությունը, X-ի իր էջում գրել է Եվրամիության արտաքին քաղաքականության պատասխանատու Ջոզեպ Բորելը։ Ընդունելի չէ ստիպել մարդկանց տարհանվել ոչ ապահով վայրեր, նշել է Բորելը։ «Մենք շարունակում ենք կոչ անել Իսրայելին Ռաֆահում ցամաքային գործողություն չանցկացնել», - գրել է պաշտոնյան՝ շեշտելով, որ դա ավելի կվատթարացնի հումանիտար ճգնաժամը։ Իսրայելի բանակը կարգադրել է, որ բնակիչները տարհանվեն քաղաքի արևելյան թաղամասերից։ Երեկ հաղորդվել է, որ շուրջ 300 հազար բնակիչ արդեն գնացել է Իսրայելի առաջարկած ավելի ապահով վայր։ Երեկ առավոտյան լրագրողները ևս սկսել են դուրս գալ լրատվամիջոցների կողմից օգտագործվող ճամբարից, որը տեղակայված էր Ռաֆահի՝ Քուվեյթի օգնությամբ գործող հիվանդանոցի տարածքում։Շարունակությունը՝ սկզբնաղբյուր կայքում։

11:41 - 12 մայիսի, 2024

Թուրքիայի ԱԳՆ-ն արձագանքել է Ռաֆահ Իսրայելի ցամաքային ներխուժմանը
|news.am|

Թուրքիայի ԱԳՆ-ն արձագանքել է Ռաֆահ Իսրայելի ցամաքային ներխուժմանը |news.am|

news.am: Իսրայելի ցամաքային հարձակումները Գազայի հատվածի Ռաֆահ քաղաքի վրա, երբ պաղեստինյան ՀԱՄԱՍ խմբավորումը դրանից մեկ օր առաջ ընդունել է հրադադարի առաջարկը, ցույց է տալիս, որ երկրի կառավարությունը բարեխղճորեն չի գործում: Դրա մասին երեքշաբթի հայտարարել է Թուրքիայի ԱԳՆ խոսնակ Օնկու Քեչելին՝ հավելելով, որ Իսրայելը պետք է անհապաղ դուրս բերի զորքերը քաղաքից։ Քեչելին X-ի իր միկրոբլոգում նշել է, որ իսրայելական գործողությունը սկսվել է, որոնք ուղղված են Գազայի ավերածություններին և ջարդերին վերջ տալուն ուղղված դրական զարգացումների հետնապատկերում: Նա հավելել է, որ Ռաֆահում և սահմանային անցակետում ստատուս քվոն պետք է անհապաղ վերականգնվի: «Ռաֆահի հարձակումը կանդրադառնա ոչ միայն տարածաշրջանի, այլեւ ամբողջ աշխարհի վրա: Իսրայելը պետք է անհապաղ դուրս գա Ռաֆահ սահմանային անցակետի Գազայի հատվածից»,- հայտարարել է Քեչելին։

20:18 - 07 մայիսի, 2024

Իրաքի իսլամական դիմադրությունը հայտարարել է, որ հրթիռային հարված է հասցրել իսրայելական Հայֆա նավահանգստին
|news.am|

Իրաքի իսլամական դիմադրությունը հայտարարել է, որ հրթիռային հարված է հասցրել իսրայելական Հայֆա նավահանգստին |news.am|

news.am: Իրաքի իսլամական դիմադրությունը հայտնել է, որ Իսրայելի Հայֆա նավահանգիստը խոցվել է գերճշգրիտ հրթիռներով, հայտնում է Tasnim-ը։ «Մեր կործանիչները ժամանակակից թևավոր հրթիռներ են արձակել Պաղեստինի օկուպացված տարածքների Հայֆա նավահանգստի ուղղությամբ»,- ասվում է Իրաքի իսլամական դիմադրության հայտարարության մեջ: Իսլամական դիմադրության այս գործողությունները, ասվում է հայտարարության մեջ, Իսրայելի դեմ շարունակվող դիմադրության մաս են և Գազայի ժողովրդի հետ համերաշխության ցուցադրում՝ «պաղեստինցիների դեմ ռեպրեսիվ ռեժիմի հանցագործությունների լույսի ներքո»: Իրաքի իսլամական դիմադրությունը ուրբաթ հայտարարել էր, որ իսրայելական թիրախների «բանկ» ունի, որոնք կենթարկվեն անկանխատեսելի հարձակումների:

19:31 - 05 մայիսի, 2024

Իսրայելը պատրաստ է ժամանակավոր զինադադարի ՀԱՄԱՍ-ի հետ
|shantnews.am|

Իսրայելը պատրաստ է ժամանակավոր զինադադարի ՀԱՄԱՍ-ի հետ |shantnews.am|

shantnews.am: Իսրայելի վարչապետ Բենիամին Նեթանյահուն հայտարարել է, որ երկիրը պատրաստ է ժամանակավոր զինադադարի պաղեստինյան արմատական ՀԱՄԱՍ շարժման հետ՝ պատանդներին ազատ արձակելու դիմաց։ Այս մասին հայտնում է «ՌԻԱ Նովոստի»-ն։ Միաժամանակ, իսրայելցի քաղաքական գործիչը նշել է, որ Իսրայելի պաշտպանության բանակը չի հրաժարվի ՀԱՄԱՍ շարժման ամբողջական ոչնչացումից։ «Վերջին մի քանի շաբաթների ընթացքում մենք աշխատում էինք շուրջօրյա՝ համաձայնության հասնելու համար, որը կվերադարձնի պատանդներին»,-ասել է Նեթանյահուն:

14:47 - 05 մայիսի, 2024

CBS News. Իսրայելի և ՀԱՄԱՍ-ի միջև շաբաթ օրը կայացած բանակցություններն ավարտվել են առանց որևէ փոփոխության |news.am|

CBS News. Իսրայելի և ՀԱՄԱՍ-ի միջև շաբաթ օրը կայացած բանակցություններն ավարտվել են առանց որևէ փոփոխության |news.am|

news.am: Պաղեստինյան ՀԱՄԱՍ խմբավորման պատվիրակությունը շաբաթ օրը ժամանել է Կահիրե՝ մասնակցելու Իսրայելի հետ հրադադարի շուրջ շարունակվող բանակցություններին: Շաբաթ օրը հրադադարի շուրջ բանակցություններն ավարտվել են առանց որևէ փոփոխության, CBS News-ին է հայտնել ՀԱՄԱՍ-ի բարձրաստիճան աղբյուրը, որը մոտ է Կահիրեում բանակցություններին: Աղբյուրը հավելել է, որ «նոր փուլը կսկսվի» կիրակի օրը։ Իսրայելը հայտարարել է, որ պատվիրակություն չի ուղարկի բանակցություններին, քանի դեռ ՀԱՄԱՍ-ը չի պատասխանել Իսրայելի վերջին առաջարկին: Իսրայելի վարչապետ Բենիամին Նաթանյահուի խորհրդականը շաբաթ օրը CBS News-ին հայտարարել էր, որ «պատերազմի ավարտը կգա Գազայում ՀԱՄԱՍ-ի ավարտից հետո»:Շարունակությունը՝ սկզբնաղբյուր կայքում։

13:13 - 05 մայիսի, 2024

Թուրքիան հաստատել է Իսրայելի հետ առևտրի ամբողջական դադարեցումը

Թուրքիան հաստատել է Իսրայելի հետ առևտրի ամբողջական դադարեցումը

Թուրքիան դադարեցնում է Իսրայելի հետ առևտուրը։ Այս մասին հայտնել է Թուրքիայի առևտրի նախարարությունը։ Նախարարությունը հայտնել է, որ ապրանքների արտահանման ու ներմուծման սահմանափակումները կգործեն այնքան ժամանակ, քանի դեռ Իսրայելի կառավարությունը Գազայի հատվածում չի ապահովել մարդասիրական օգնության հասանելիություն և բավարար հոսք։ Դեռ ապրիլի 9-ին թուրքական կողմը սահմանափակել էր մի շարք ապրանքախմբերի արտահանումը Իսրայել։ Այժմ նախարարությունը նշում է, որ «միջոցառումների երկրորդ փուլն իրականացվել է այն բանից ելնելով, որ Պաղեստինում ողբերգությունն ավելի է խորացել»։

12:44 - 03 մայիսի, 2024

ԱՄՆ-ի համալսարաններում ցույց անող ավելի քան 210 մասնակից է ձերբակալվել |azatutyun.am|

ԱՄՆ-ի համալսարաններում ցույց անող ավելի քան 210 մասնակից է ձերբակալվել |azatutyun.am|

azatutyun.am: Միացյալ Նահանգներում ոստիկանությունը բռնի ուժի կիրառմամբ ցրել է բազմաթիվ անհնազանդ, պաղեստինամետ ցուցարարների մի քանի բուհերում, այդ թվում՝ Լոս Անջելեսի Կալիֆորնիայի համալսարանում, հաղորդում է Reuters-ը։ Լոս Անջելեսի ոստիկանությունը սոցցանցերում հայտնել է, որ 210 հոգի ձերբակալվել է Լոս Անջելեսի Կալիֆորնիայի համալսարանում, և հարյուրավորը՝ այլ բուհերում գիշերը և հինգշաբթի օրը: Հինգշաբթի Լոս Անջելեսի Կալիֆորնիայի համալսարանում ոստիկանները սկսել էին քանդել ուսանողների ստեղծած բարիկադները։ Ուսանողները պնդել էին` անվտանգության ուժերն իրենց ահաբեկելու նպատակով լուսաձայնային նռնակներ ու ռետինե գնդակներ են կիրառել։ ԱՄՆ-ի մի շարք համալսարաններում Պաղեստինին աջակցելու զանգվածային ակցիաներ են տեղի ունենում։ Ոստիկանությունը նախօրեին ուժ էր կիրառել նաև Նյու Յորքի Կոլումբիայի համալսարանում։ ԱՄՆ նախագահը հայտարարել է, որ ամերիկացիներն իրավունք ունեն բողոքելու, բայց ոչ բռնություն սանձազերծելու: «Գույքի ոչնչացումը խաղաղ բողոք չէ», - ասել է նա Սպիտակ տանը:

10:11 - 03 մայիսի, 2024

Բլինքենը Ֆիդանի հետ քննարկել է Պաղեստին Պետության ստեղծումը՝ Իսրայելի համար անվտանգության երաշխիքներով
|1lurer.am|

Բլինքենը Ֆիդանի հետ քննարկել է Պաղեստին Պետության ստեղծումը՝ Իսրայելի համար անվտանգության երաշխիքներով |1lurer.am|

1lurer.am: ԱՄՆ պետքարտուղար Էնթոնի Բլինքենը հանդիպել է Թուրքիայի գործընկեր Հաքան Ֆիդանի հետ: Այդ մասին հայտնել է ԱՄՆ պետքարտուղարության խոսնակ Մեթյու Միլլերը: Երկու երկրի արտաքին քաղաքական գերատեսչությունների ղեկավարներն հանդիպել են Սաուդյան Արաբիայի Ռիադ քաղաքում՝ Համաշխարհային տնտեսական համաժողովի շրջանակում: «Պետքարտուղար Բլինքենն ու Թուրքիայի արտգործնախարար Ֆիդանը քննարկել են Մերձավոր Արևելքում անհապաղ զինադադարի հասնելու ջանքերը, որը կապահովի պատանդների ազատ արձակումը և կօգնի մեղմելու Գազայում պաղեստինցիների տառապանքը»,- նշել է Միլլերը: Նրա խոսքով՝ պետքարտուղարն ընդգծել է, որ գործարքն ընդունելու՝ ՀԱՄԱՍ-ի մերժումն է պատճառը, որ հակամարտությունը շարունակվում է, և կոչ է արել բոլոր ջանքերը գործադրել պաղեստինյան զինված խմբավորմանը համոզելու ընդունել անհապաղ հրադադարի առաջարկը, որը քննարկման փուլում է: «Պետքարտուղարը և արտաքին գործերի նախարարը նաև քննարկել են տարածաշրջանում տևական խաղաղություն ապահովելու շարունակական ջանքերը, այդ թվում՝ Պաղեստինի Պետության ստեղծումը՝ Իսրայելի համար անվտանգության երաշխիքներով: Պետքարտուղար Բլինքենն ընդգծել է Մերձավոր Արևելքում հակամարտության սրումը կանխարգելելու կարևորությունը»,- ասել է պետքարտուղարության խոսնակը։

21:04 - 29 ապրիլի, 2024

Սպասվում է, որ ԵՄ մի քանի երկրներ առաջիկայում կճանաչեն Պաղեստինի պետականությունը
|armenpress.am|

Սպասվում է, որ ԵՄ մի քանի երկրներ առաջիկայում կճանաչեն Պաղեստինի պետականությունը |armenpress.am|

armenpress.am: Սպասվում է, որ ԵՄ անդամ մի քանի երկրներ կճանաչեն Պաղեստինի պետականությունը մինչև ընթացիկ տարվա մայիսի վերջ։ «Արմենպրես»-ի փոխանցմամբ՝ այս մասին ապրիլի 29-ին ասել է ԵՄ արտաքին և անվտանգության հարցերով բարձր ներկայացուցիչ Ժոզեպ Բորելը՝ Ռիադում Համաշխարհային տնտեսական ֆորումի հատուկ հանդիպման շրջանակներում։ «Ինչպես սպասվում է՝ ԵՄ անդամ մի քանի երկրներ կճանաչեն Պաղեստինի պետականությունը մինչև մայիսի վերջ»,- Բորելի խոսքերն է մեջբերում «ՌԻԱ Նովոստի»-ն՝ վկայակոչելով Al-Arabiya հեռուստաալիքը։

19:16 - 29 ապրիլի, 2024

Իսրայելական կործանիչները նոր հարձակումներ են իրականացրել «Հեզբոլլահ»-ի օբյեկտների վրա
|shantnews.am|

Իսրայելական կործանիչները նոր հարձակումներ են իրականացրել «Հեզբոլլահ»-ի օբյեկտների վրա |shantnews.am|

shantnews.am: Իսրայելի ռազմաօդային ուժերի կործանիչները նոր հարձակումներ են իրականացրել շիական «Հեզբոլլահ» կազմակերպության զինված թևի թիրախների վրա։ Այս մասին հայտնում է իսրայելական բանակի մամուլի ծառայությունը, փոխանցում է ՏԱՍՍ-ը: Ըստ հաղորդագրության՝ հարավային Լիբանանի Մարկաբա գյուղի մերձակայքում գտնվող ռազմական ենթակառուցվածքները խոցվել են։ Բացի այդ, «Հեզբոլլահ»-ի օբյեկտի վրա հարձակում է տեղի ունեցել նաև Սարուբբին գյուղի մոտ, հայտնում է բանակը:

17:04 - 28 ապրիլի, 2024

ԱՄՆ-ն վետո է դրել Պաղեստինին ՄԱԿ-ում որպես մշտական անդամ ընդունելու բանաձևի վրա

ԱՄՆ-ն վետո է դրել Պաղեստինին ՄԱԿ-ում որպես մշտական անդամ ընդունելու բանաձևի վրա

Միացյալ Նահանգները դեմ է քվեարկել Պաղեստինին ՄԱԿ-ում որպես մշտական անդամ ընդունելու բանաձևին։ Այս մասին գրում է Reuters-ը։ «ԱՄՆ-ն շարունակում է աջակցել երկու պետության ստեղծման սկզբունքին։ Այս քվեն չի նշանակում, որ դեմ ենք Պաղեստինի պետականությանը, փոխարենը հստակեցնում է, որ այն պետք է լինի երկու կողմերի միջև բանակցությունների արդյունք»,- ասել է ՄԱԿ-ում ԱՄՆ փոխդեսպան Ռոբերտ Վուդը: Պաղեստինի նախագահ Մահմուդ Աբբասը դատապարտել է ԱՄՆ-ի որոշումը իր հայտարարության մեջ՝ վետոն անվանելով «անարդար, ոչ էթիկական և չհիմնավորված»։ ՄԱԿ-ում Պաղեստինի դեսպամ Ռիյադ Մանսոուրը քվեարկությունից հետո հայտարարել է․ «Փաստը, որ այս բանաձևը չանցավ, չի կոտրի մեր կամքը և պարտության չի մատնի մեր վճռականությանը։ Մենք չենք դադարեցնի մեր ջանքերը»։ Իսրայելի արտաքին գործերի նախարարը ողջունել է ԱՄՆ քվեարկությունը։ Դիմելով Խորհրդի 12 անդամներին, որոնք կողմ են քվեարկել բանաձևի նախագծին, ՄԱԿ-ում Իսրայելի դեսպանը Գիլադ Էրդանը ասել է․ «Ցավալի է, որովհետև ձեր քվեն էլ ավելի կքաջալերի Պաղեստինի մերժողականությունը և գրեթե անհնար կդարձնի խաղաղությունը»։

10:52 - 19 ապրիլի, 2024

Գազայում պաղեստինցիների ցեղասպանության նշաններ ԱՄՆ-ն չի տեսնում. Օսթին |1lurer.am|

Գազայում պաղեստինցիների ցեղասպանության նշաններ ԱՄՆ-ն չի տեսնում. Օսթին |1lurer.am|

1lurer.am: Միացյալ Նահանգները Գազայում պաղեստինցիների ցեղասպանության նշաններ չի տեսնում` հայտարարել է ԱՄՆ պաշտպանության նախարար Լլոյդ Օսթինը։ «Մենք ցեղասպանության վերաբերյալ ոչ մի ապացույց չունենք»,- ասել է Պենտագոնի ղեկավարը՝ ԱՄՆ Կոնգրեսի Սենատի զինված ուժերի հարցերով հանձնաժողովի լսումների ժամանակ մեկնաբանելով Գազայի հատվածում Իսրայելի գործողությունները: Օսթինի խոսքով՝ Գազայի հատվածում զանգվածային սովը կհանգեցնի բռնության աճի և հակամարտության ձգձգման պատճառ կդառնա: «Դա չպետք է տեղի ունենա: Մենք պետք է շարունակենք անել հնարավոր ամեն ինչ, որ Իսրայելին դրդենք մարդասիրական օգնություն ցուցաբերել»,- հավելել է նախարարը։ Միջազգային կազմակերպությունները շարունակ դժգոհություն են հայտնում, որ Իսրայելը Գազայի բնակիչների համար պարենի, դեղորայքի և այլ անհրաժեշտ հումանիտար ապրանքների բավարար հասանելիություն չի ապահովում: Ավելի վաղ Եվրամիության արտաքին քաղաքական ծառայության ղեկավար Ժոզեպ Բորելը հայտարարել էր, որ Իսրայելը սովն օգտագործում է որպես Գազայի հատվածում պատերազմի զենք:

22:49 - 09 ապրիլի, 2024

Հռոմի պապը կրկին կոչ է արել դադարեցնել կրակը Գազայում
|armenpress.am|

Հռոմի պապը կրկին կոչ է արել դադարեցնել կրակը Գազայում |armenpress.am|

armenpress.am: Հռոմի պապը կրկին կոչ է արել դադարեցնել կրակը Գազայի հատվածում: Նա խորը վիշտ է հայտնել Իսրայելի ավիահարվածի հետևանքով «Համաշխարհային կենտրոնական խոհանոց» (WCK – World Central Kitchen) ՀԿ-ի կամավորների մահվան կապակցությամբ: Այս մասին հայտնում է Euronews-ը՝ նշելով, որ Հռոմի պապը ևս մեկ անգամ կոչ է արել ապահովել մարդասիրական օգնության հասանելիությունն և անհապաղ ազատ արձակել գերիներին: «Եկեք խուսափենք տարածաշրջանում հակամարտությունն ընդլայնելու անպատասխանատու փորձերից և աշխատենք, որպեսզի որքան հնարավոր է շուտ դադարեցնենք այս և մյուս պատերազմները, որոնք շարունակում են մահ ու տառապանք բերել աշխարհի շատ անկյուններում»,-հայտարարել է Հռոմի պապը:

21:17 - 03 ապրիլի, 2024